Saturday, September 10, 2011

في مسألة السفارة

الثورة اصلاَ حدث استثنائي، فطبيعي تحصل فيها حاجات استثنائية، احنا وصلنا لذروة الغضب الشعبي فاكيد الناس مش هتفضل قاعدة في بيتها مستنية العسكر يمنوا عليهم و ينفذلهم مطالبهم، و رغم كده ده حصل مبدأناش من الأول شتيمة فيهم و كراهية الناس في الأول كانت ماشية تهتف باسمهم في الشارع و توزع عليهم ورد، مرحوش فجأة نطوا علي سفارة إسرائيل و قالوا يلا بينا نكسرها، اتظاهروا منفعش لا و كمان العسكر راح بنالنا جدار عازل حواليها، راحت الناس قعدت ترسم عليه مفيش فايده طبيعي في النهاية الحل ان الواحد ياخد حقه بايده.
الناس عاملة فيها رجالة بشنبات و وصلت بيهم البجاحة انهم بيدافعوا عن امن سفارة إسرائيل، للدرجة دي حضرتك خايف منهم و عامل ليهم الف حساب !!
اغلب الناس الي سمعت رأيها امبارح و شايفين ان الي حصل عند السفارة ده قلة ادب كانوا طايرين بأردوغان عشان طرد سفير إسرائيل و مستنكرين اوي ازاي المجلس مبيعملش كده، ادي سفير إسرائيل اتطرد بالطريقة الوحيدة الى ممكنة بايد الناس، مضايق من ايه بقي دلوقتى مش ده اصلا الى كنت بتنادي بيه !!
ناس تانية شغالة في سكة دي مش اهداف الثورة و مش وقت اسرائيل دلوقتي، و الله انا شايفة ان اهداف الثورة دي كان من ضمنها حفظ كرامة المصريين و مظنش قتل خمسة على حدودنا و مفيش اي رد اتاخد هو التعريف بتاع حفظ الكرامة، و سيبك من فلسطين خالص و خليك في اهدافك اهو ِ!!
الثورة مقامتش عشان نعمل انتخابات ولا عشان نعلي الاقتصاد، ثورة يعني حرية يعني تنفذ مطالبك و اهدافك متستناش شلة جنرالات تقوم تعملهالك، بالذات انك مش بتطالب بحاجة عيب او حرام، موصلتش اننا قاعدين ندافع عن سفارة اسرائيل و نقول اتفاقيات دولية، امال بتهاجموا كامب ديفيد ليه !!
في كتير خايفين من الحرية و مصريين يفضلوا ماشيين ورا حد خايفين لما تيجي لحظة اختيار قرار ياخدوه هما لحسن يطلع غلط، بس انك تاخد قرار بنفسك و تنفذه و يطلع غلط احسن من انك تفضل ماشي ورا حد يقولك تعمل ايه و متعملش ايه .
ناديتوا بالثورة يعني بالحرية، مضايقين ليه بقي ان الناس تكون حرة !!

Tuesday, September 6, 2011

آكل لحوم البشر




Capitalism is Cannibalism 

الرأسمالية هي آكل لحوم البشر 




Monday, September 5, 2011

PES !!

PES (Adam Pesapane ) is a director and maker of short films and commericals, he uses stop motion technique in his works and I personally find them amazing, I actually thought it was a company at the beginning, he's very creative and uses nothing really exept the normal crap that can be found at any one's house,  this is his website take a look !! 

 

Copyright © Still in The Oven . Template created by Volverene from Templates Block | Blogger Templates | Credit Card Offers
WP by WP Themes Master | Sao Miquel